La retejo maklerejo.de (antaŭe per.esocom.de) estas la unua reta perejo por personaj kontaktoj kun specifaj interesoj en Esperanto. Esperantistoj, kiuj serĉas aŭ ofertas interesiĝojn, povas tie afiŝi informojn kun ligoj al internaj paĝetoj aŭ al eksteraj retejoj. La celo de tiu projekto estas konkrete kunigi interesojn de esperantoparolantoj.
La retejo estis lanĉita la 31-an de majo 2009 de Frank Merla. La 23-an de majo 2014 la retejo estis transmetita al EMS kaj ricevis novan nomon: maklerejo.de.